Cliciwch fotwm de eich llygoden yma a chlicio 'save target as' er mwyn llwytho i lawr y Pwyntiau Sain i’ch cyfrifiadur neu mp3.

Mae man aros Pwynt Sain Dau yn edrych dros fryngaer Oes yr Haearn o'r enw Moel y Gaer, Llanbedr. Mae'n sefyll ar esgair o'r Bryniau gan edrych dros Ddyffryn Clwyd. Sonia Samantha Williams, Swyddog Cadwraeth Bryngaerau i'r project Y Grug a'r Caerau am Foel y Gaer a'r bryngaerau yn y pwynt sain hwn.

Yn ymyl, ceir olion tomen gladdu Oes yr Efydd. Mae Fiona Gale, Archeolegydd Sir Ddinbych, yn ein tywys yn ôl 4000 o flynyddoedd i'r adeg y tybir i'r domen gael ei chreu.