Penycloddiau ar Fryniau Clwyd yw un o’r bryngeyrydd mwyaf a’r un sy’n cael y nifer mwyaf o ymwelwyr o’r holl geyrydd Oes yr Haearn sydd ym Mryniau Clwyd.

Rhwng 11 a 22 Mai bydd archeolegwyr o Ymddiriedolaeth Archeolegol Clwyd-Powys (CPAT) yn cloddio tomen sydd ar ochr ogleddol y fryngaer. Mae’r domen hon wedi’i erydu’n arw am ei bod ar Lwybr Clawdd Offa sy’n rhedeg drwy ganol y gaer a thros ben y domen.

Y llynedd, gwnaed cloddio arbrofol i weld a oedd y domen yn naturiol neu beidio. O ganlyniad, tybir mai tomen gladdu Oes yr Haearn sy’n mynd yn ôl rhyw 4000 o flynyddoedd sydd yma. Golyga hyn ei bod yn hŷn na’r fryngaer ei hunan.

Eleni, byddwn yn agor ffos fwy i gofnodi’r domen cyn iddi gael ei cholli drwy erydu, gan obeithio cadarnhau mai tomen gladdu sydd yma yn wir.